Back إيريني بيفيتي Arabic ايرينى بيفيتى ARZ Irene Pivetti German Ιρένε Πιβέττι Greek Irene Pivetti English Irene Pivetti French Irene Pivetti Italian Irene Pivetti LMO Irene Pivetti Polish Irene Pivetti Romanian
|
C'l artìcul chè 'l è scrit in
Miranduléś |
L’Irene Pivetti (Milàṅ, 4 'd Avrìl dal 1963), l'è na pulìtica, cundutōra televiśìva e giurnalìsta itagliàna, surèla dl'atōra Veronica. La s è laureàda in Létri (indirìs filuśòfig) a l'Università Catòlica dal Sàcar Cōr ad Milàṅ.
Elèta presidènta dla cambra c'n al partî dla Léga Nòrd in dal 1994, l'à militâ anc in soquànt àtar partî cuma 'l UDEUR ad Clemente Mastella, Itàglia Federàla, Arnuvamènt Itagliàṅ, Fòrsa Itàglia, Nuàtar cun Salvìni, Federasiòṅ di Cristiàṅ Pupulàr e Itàglia Màdar.
Da giurnalìsta, da 'l 1990 a 'l 2000, l'à laurâ p'r i giurnài L'Indipendente, Il Messaggero, Libero e Scandali.
L'à fat al sò debùt in televiśiòṅ su La7 preśentànd i prugràma Fa' la cosa giusta e La giuria (2002-2003). Par la Mediaset l'à laurâ in dal traśmisiòṅ Bisturi!, Nessuno è perfetto e Giallo 1 par pò pasàr a la Rai tulénd part cuma upiniunìsta a la Domenica in dla Lorella Cuccarini (2013).
In dal 2003 l'à cmandâ la squàdra dal Pinsadōri a Ciao Darwin in dla puntàda cónt'r al Velìni mént'r in dal 2007 l'à balâ in dal prugràma Ballando con le stelle rivànd quìnta.